काठमाडौं । इन्टरनेट सेवाप्रदायक कम्पनी क्लासिकटेकले ललितपुरको ठैबमा ‘क्लासिक सेन्टर’ सञ्चालनमा ल्याएको छ । ठैब क्षेत्रका ग्राहकलाई सहज रुपमा इन्टरनेट सेवा उपलब्ध गराउने उद्देश्यले क्लासिकटेकले यो सेन्टर सञ्चालनमा ल्याएको हो।
देशव्यापी सेवा विस्तारमा तल्लीन क्लासिक टेकले यो सेन्टरमार्फत् इन्टरनेट सेवा विस्तार र ग्राहकलाई छिटोछरितो मर्मत सेवा प्रदान गर्ने छ। इन्टरनेट सेवा प्रदायक क्लासिकटेककाअनुसार यही साताभित्र भक्तपुरको गठ्ठाघरमा रहेको शाखाका लागि सुर्यविनायक र काभ्रेको बनेपामा रहेको शाखाका लागि पनौतीमा पनि क्लासिक सेन्टर सञ्चालनमा ल्याउन लागिएको छ।
त्यस्तै, विराटनगरमा रहेको शाखाका लागि रानी मिल्स, धरानको पुष्पलाल चोकमा रहेको शाखाको लागि लक्ष्मीचोक र इटहरीको शाखाका लागि झुम्कामा यही साता क्लासिक सेन्टर सञ्चालनमा गर्न लागिएको कम्पनीले जनाएको छ।
वि.सं.२०७७ भदौ २ मंगलवार १२:५८ मा प्रकाशित
