काठमाडौँ । नेपाली बजारमा विहिबार सुन र चाँदीको भाउमा गिरावट आएको छ । बुधबार स्थिर रहेको सुनको मुल्य विहिबार एकै दिन तोलामा १६ सयले घटेको छ ।
नेपाल सुनचाँदी व्यवसायी महासंघका अनुसार विहिबार सुन प्रति तोला ९८ हजार ८ सयमा कारोबार भइरहेको छ । यस अघि सोमबार र मंगलबार सुन एक लाख ४ सयमा कारोबार भएको थियो ।
त्यस्तै, विहिबार तेजावी सुनको मुल्य प्रति तोला ९८ हजार ३ सयमा कारोबार भइरहेको छ । त्यस्तै विहिबार चाँदीको मुल्य पनि घटेको छ । महासंघका अनुसार विहिबार चाँदी प्रतितोला १५ रुपैयाँले घटेर १ हजार ३६० मा कारोबार भइरहेको छ ।
वि.सं.२०७७ भदौ ४ बिहीवार ११:०९ मा प्रकाशित
