काठमाडौं । कोरोनाका कारण पछिल्लो २४ घण्टामा देशभर थप ७ जनाको मृत्यु भएको छ । मृतकमा काठमाडौंका ३ तथा सिरहा, पर्सा, धनुषा, र रुपन्देहीका १–१ जना गरी ७ जना रहेका छन् । योसँगै देशभर मृतकको कुल संख्या १६४ पुगेको छ ।
देशभर ८५५ जनामा कोरोनाभाइरस संक्रमण पुष्टि भएको छ । योसँगै कुल संक्रमितको संख्या ३३ हजार ५३३ पुगेको स्वास्थ्य मन्त्रालयका प्रवक्ता डा जागेश्वर गौतमले जानकारी दिनुभयो ।
वि.सं.२०७७ भदौ ९ मंगलवार १६:३२ मा प्रकाशित