बारा । जिल्ला प्रशासन कार्यालय, बाराले कोरोना संक्रमण फैलिए पछि बारामा गत साउन १८ गते देखि लगाएको निषेधाज्ञा मंगलवारबाट केही खुकुलो भएको छ ।
सोमवार बसेको कमाण्ड पोष्टको बैठकले निषेधाज्ञाको स्वरुप परिवर्तन गरी सामान्य जनजीवन सहज बनाउँदै लगिने निर्णय गरेको हो ।
शैक्षिक संस्था, गोष्ठी, सेमिनार, तालिम प्रदर्शन, भेला, सिनेमा हल, पार्टी प्यालेस डान्स बार, पुस्तकालय, सपिङ्ग मल, स्पा सैलुन, व्युटी पार्लर, स्वीमिङ्ग पुल, जिमखाना, रिक्सा, साईकल ठेला गाडामा गर्ने व्यवसाय र कवाडी संकलन भने बन्द गरिएको छ ।
यी बाहेक अन्य व्यवसाय भने विहान १० देखि बेलुकी ४ बजे सम्म खुला हुने भएको छ । संक्रमणको जोखिम उस्तै छ , तैपनि सबैको धारणा सहज बनाऔं भन्ने आयो त्यसैले बिहान १० बजे देखि ४ बजे सम्म सबै व्यवसाय खोल्ने तयारी गरेको प्रमुख जिल्ला अधिकारी रुद्रप्रसाद पण्डितले जानकारी दिए ।
वि.सं.२०७७ भदौ १६ मंगलवार १४:३५ मा प्रकाशित