बीबीसी । नेपालले स्थलगत मापन गरेर पहिलोपटक आफैँले सगरमाथाको वास्तविक उचाइ यकिन गरिसकेको छ । तर त्यससम्बन्धी प्रतिवेदनलाई अन्तिम रूप दिन बाँकी रहेको र प्रक्रिया पूरा गरेर चाँडै सार्वजनिक गरिन सरकारी अधिकारीहरुको भनाइ छ।
नेपाल र चीनका उच्च पदका नेताले संयुक्त रूपमा सगरमाथाको उचाइ घोषणा गर्ने तयारी भइरहेको बुझिएको छ। भूमि व्यवस्था, सहकारी र गरिबी निवारण मन्त्रालय तथा नापी विभागका प्रवक्ताहरूले तथ्याङ्क प्रशोधनको कामु सम्पन्न भएको बताएका छन्। तर उक्त विवरणलाई अन्तिम रूप दिएर कहिले र कसरीु सार्वजनिक गरिन्छ भन्नेबारे उनीहरूले विस्तृतमा बताएका छैनन्।
मन्त्रालयका प्रवक्ता जनकराज जोशीले भने, हाम्रो तर्फबाट सगरमाथा मापनसम्बन्धी फिल्ड कार्य र त्यसको प्रोसेसिङ कार्य सकिएको छ।
गणना गरी वास्तविक उचाइ निकाल्ने कामु सम्पन्न भएको छ। आवश्यक प्रक्रिया पूरा गरी छिट्टै घोषणा हुनेछ।
सगरमाथाको उचाइ सार्वजनिक गर्नेबारे छलफल जारी रहेको उनको भनाइ छ। नापी विभागका सूचना अधिकारी दामोदर ढकालले पनि लगभग उचाइ पत्ता लागउने काम सकिएकोु जानकारी दिए।
उनले भने, काम सकिएर करिब करिब अन्त्यमा छ। सार्वजनिक गर्न छलफल जारी छन् । तर उनीहरूले सगरमाथाको उचाइ कति यकिन गरियो भन्ने आफूहरूलाई पनि जानकारी नभएको बताए।
हालसम्म सगरमाथाको उचाइ ८,८४८ मिटर मान्ने गरिएको छ। यो उचाइ सन् १९५४ मा सर्वे अफ इण्डियाले सार्वजनिक गरेको थियो। त्यसैलाई विश्वले मान्यता दिएको हो।
तर २०७२ सालमा नेपालमा आएको विनाशकारी भूकम्पका कारण सगरमाथाको उचाइमा पनि असर परेको हुनसक्ने आकलन छ।त्यसपछि नेपालले करिब तीन वर्षअघि पहिलोपटक आफैँले सगरमाथाको उचाइ नाप्ने प्रक्रिया अघि बढाएको हो।
वि.सं.२०७७ भदौ १६ मंगलवार १४:५० मा प्रकाशित
