भैरहवा । रुपन्देहीमा दिनभर व्यापार व्यवसाय संचालन गर्न जिल्ला प्रशासन कार्यालयले अनुमति दिएको छ । तेस्रो चरणमा लगाइएको निषेधाज्ञा समयावधि शनिबार राति १२ बजे सकिदैछ ।
तीन चरणमा २० दिनसम्म लगाइएको निषेधाज्ञामा पनि संक्रमणको ग्राफ बढ्दो छ । भोलिदेखि दिनभर व्यापार व्यवसाय संचालन गर्न पाउने गरी चौथो चरणको अगामी भदौ २८ गतेसम्म निषेधाज्ञाको आदेश गरेको प्रमुख जिल्ला अधिकारी महादेव पन्थले जानकारी दिनुभयो ।
पन्थले जारी गरेको आदेशमा निषेधाज्ञा अवधिमा अति आवश्यक दैनिक उभोग्य वस्तु र सेवा बिहान ९ बजेसम्म र बेलुका ५ देखि ७ बजेसम्म संचालन गर्न सकिने उल्लेख छ।
यस्तै भीडभाड नहुने गरी सरकारी कार्यालयले सेवा प्रवाह गर्ने, बैंक वित्तीय संस्थाले नियमित सेवा दिनसक्ने लगायत आदेश दिइएको छ ।प्रशासनले बजार खोल्न अनुमति दिएपनि मुख्य राजमार्ग र अत्यावश्यकबाहेक सबै प्रकारका निजी तथा सार्वजनिक यातायात संचालनमा रोक लगाएको छ ।
वि.सं.२०७७ भदौ २० शनिवार १६:०४ मा प्रकाशित
