काठमाडौं । सरकारले तोकेकै शुल्कमा १६ वटा निजी अस्पतालले कोरोना संक्रमितको उपचार गर्ने भएका छन् ।
मन्त्रालयको समन्वयमा कोरोनाका बिरामी पठाउने र उनीहरुको खर्चसमेत सरकारलेनै व्यहोर्ने गरी ती अस्पतालसँग सम्झौता भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जनाएका छन् ।
सरकारको समन्वयमा काठमाडौं उपत्यकामा ७ र उपत्यका बाहिरका ९ वटा निजी अस्पतालले कोरोना संक्रमित बिरामीको उपचार गर्ने भएको छ । अस्पतालको उपचारखर्च सरकारले व्यहोर्ने गौतमले जनाए ।
संक्रमितको उपचारमा खटेका १६ निजी अस्पताल :
काठमाडौं उपत्यकामा
- जनमैत्री अस्पताल
- बयोधा अस्पताल
- काठमाडौ मेडिकल कलेज सिनामंगल
- मेघा अस्पताल, कान्तिपुर अस्पताल तिनकुने
- काठमाडौं डेन्टल एण्ड जनरल अस्पताल बसुन्धरा
- नोबेल अस्पताल सिनामंगल
काठमाडौं उपत्यका बाहिर
- चितवन मेडिकल कलेज, भरतपुर
- धुलिखेल सामुदायिक अस्पताल, धुलिखेल
- पुरानो मेडिकल कलेज, भरतपुर
- जानकी अस्पताल, जनकपुर
- नेशनल मेडिकल कलेज,वीरगञ्ज
- नेपालजञ्ज मेडिकल कलेज,कोहलरपुर
- लुम्बिनी मेडिकल कलेज, पाल्पा
- देवदह मेडिकल कलेज, बुटवल
- विराट मेडिकल कलेज, विराटनगर
वि.सं.२०७७ भदौ २० शनिवार १५:५२ मा प्रकाशित