काठमाडौं । सरकारले सबै शिक्षकहरुको कोरोना बीमा गरिदिने भएको छ । शिक्षा,विज्ञान तथा प्रविधि मन्त्रालयले सबै शिक्षकहरुको कोरोना बीमा गर्नका लागि प्रक्रिया अगाडि बढिसकेको जनाएको छ ।
शिक्षा मन्त्री गिरिराजमणि पोखरेलले शुक्रवार गरेको विशेष सम्बोधनमा भने–‘शिक्षकहरुको स्वास्थ्यसुरक्षालाई ध्यानमा राखी सबै शिक्षकहरुको कोरोना बिमा गर्ने प्रक्रिया अघि बढिसकेको छ ।’ यस्तै, कार्यरत विद्यालय रहेको जिल्लाभन्दा बाहिरी जिल्लामा रहेका शिक्षकहरुलाई विद्यालयसम्म पुग्नका लागि जिल्ला प्रशासन कार्यालयहरुले सहजीकरण गर्ने पनि शिक्षामन्त्री पोखरेलले स्पष्ट पारेका छन् ।
वि.सं.२०७७ भदौ २१ आइतवार १७:१२ मा प्रकाशित