काठमाडौं । नेपाल स्टक एक्सचेञ्ज(नेप्से)मा एनएमबि बैंकको ४९ लाख ६७ हजार ६५५ कित्ता शेयर सूचीकृत भएको छ ।
तत्कालीन कञ्चन डेभलपमेन्ट बैंकको शेयर अब एनएमबिको नाममा सूचीकरण भएको हो । एनएमबिले कञ्चनलाई १ः०.८५ अनुपातमा एक्वायर गरेको थियो ।
एनएमबिले कञ्चनलाई एक्वायर गरेर गत भदौ ७ गतेदेखि एकीकृत कारोबार सुरु गरेको थियो । सोही सेयर स्वाप अनुसार कायम भएको शेयर एनएमबिको नाममा सूचीकृत गरिएको हो । अब कञ्चनका सेयरधनीले एनएमबि बैंकको नामबाट यो शेयर कारोबार गर्न सक्नेछन् ।
वि.सं.२०७७ असोज ६ मंगलवार १२:४५ मा प्रकाशित
