विराटनगर । प्रदेश नम्बर १ को राजधानी विराटनगरमा ‘अघोषित लोडसेडिङ’ सुरु भएको छ ।
दिनमा चार/पाँचपटकसम्म लामो(लामो समयसम्म बत्ती जान थालेकालाई स्थानीयले अघोषित लोडसेडिङ नै हुन थालेको दाबी गरेका छन् । नेपाल विद्युत् प्रधिकरण विराटनगर वितरण केन्द्रबाट ७० हजार सेवाग्राहीले विद्युत्को सेवा लिँदै आएका छन् ।
महसुल तिरेर विद्युत् प्रयोग गरिरहेका सर्वसाधारणले लोडसेडिङ हुन थालेपछि प्राधिकरणको ध्यानाकर्षण गरेपनि सुनुवाइ नभएको गुनासो गरेका छन् । प्राधिकरणको विराटनगर वितरण केन्द्रका सूचना अधिकारी भरत केसीले भने लोडसेडिङ नभएको दाबी गर्नुभएको छ ।
विद्युत् प्रवाहमा अवरोधले विद्यार्थीको अनलाइन कक्षासमेत चौपट भएको स्थानीयको गुनासो छ ।
वि.सं.२०७७ असोज १६ शुक्रवार १५:०० मा प्रकाशित