काठमाडौं । बागमती प्रदेशका मुख्यमन्त्री डोरमणि पौडेलले नेपाल सरकारको महत्त्वपूर्ण गौरवको आयोजना काठमाडौ तराई द्रुत मार्ग ( फास्ट ट्र्याक) को अवलोकन गर्नुभएको छ ।
मुख्यमन्त्री पौडेलसहितको टोलीले काठमाडौ तराई द्रुत मार्ग ( फास्ट ट्र्याक) को मकवानपुरगढी गाउपालिकाको बुधुने खण्डको अवलोकन गरेको हो ।
अवलोकन पश्चात मुख्यमन्त्री पौडेलले तराईलाई सोझै छोटो मार्गद्वारा काठमाडौ जोड्ने यो परियोजनाले बागमती प्रदेशसहित देशको यातायात क्षेत्रमा ठुलो महत्व राख्ने बताउनुभएको छ ।
सोही अवसरमा कृषिमा आत्मनिर्भरतर्फ लम्कदै गरेको हेटौंडा १८ नम्बर वडामा रहेको मेवा खेती हेर्ने समेत अवलोकन गर्नुभएको थियो।व्यक्तिगत र सामुहिकरुपमा लगाईएको यो खेती कृषिमा लाग्नेहरु किसानका लागि अनुकरणीय हुने उहाँको भनाई छ ।
यस्तै आज नै हेटौंडा निर्माणाधिन गौरीटार रंगशालाको फुटबल मैदान, कोभिड १९ आईसोलेशन र हेटौंडा बहुप्राबिधिक महाविद्यालय निर्माण स्थलको पनि निरीक्षण गर्नुभएको छ ।
उक्त संरचना निर्माण पश्चात बागमती प्रदेश सहित अन्य प्रदेशले पनि फाईदा लिन सक्ने पौडेलको भनाई छ । उहाँले यसबाट खेलकुद र प्राविधिक क्षेत्रले धेरै नै फड्को मार्ने बताउनुभयो ।
वि.सं.२०७७ असोज २४ शनिवार २०:५९ मा प्रकाशित