काठमाडौं । नेपाल स्टक एक्सचेञ्ज (नेप्से)ले शुक्रवार चार ओटा कम्पनीको बोनस शेयरको मूल्य समायोजन गरेको छ । नेप्सेले एभरेष्ट बैंक, प्रभु बैंक, नेपाल बंगलादेश बैंक र आरएसडिसी लघुवित्तको शेयरमूल्य समायोजन गरेको हो ।
नेप्सेले एभरेष्ट बैंकको ५ प्रतिशत बोनस शेयरको समायोजनपछि शेयरमूल्य रू. ६८१, प्रभु बैंकको १० प्रतिशत बोनस शेयरको समायोजनपछि शेयरमूल्य रू. ३४१, नेपाल बंगलादेश बैंकको ६ प्रतिशत बोनस शेयरको समायोजनपछि शेयरमूल्य रू. २५० र आरएसडिसी लघुवित्तको ९ प्रतिशत बोनस शेयरको समायोजनपछि शेयरमूल्य रू. ५८१ तोकेको छ ।
नेप्सेले एभरेष्ट बैंकको आधारमूल्य रू. ७१५, प्रभु बैंकको ३७५, नेपाल बंगलादेश बैंकको २६५ र आरएसडिसी लघुवित्तको ६३३ लिएको हो ।एभरेष्ट बैंकले ५ प्रतिशत बोनस शेयर र ५ दशमलव ५३ प्रतिशत नगद लाभांश (कर समेत) पारित गर्न पुस २७ गते केन्द्रीय कार्यालय लाजिम्पाटमा बिहान ११ बजे साधारण सभा बोलाएको छ ।
त्यस्तै, प्रभु बैंकले गत आवको मुनाफबाट १० प्रतिशत बोनस शेयर र शून्य दशमलव ५२ प्रतिशत नगद लाभांश वितरण गर्ने प्रस्ताव गरेको छ । उक्त प्रस्ताव पारितका लागि कम्पनीले पुस २६ गते साधारण सभा बोलाएको छ । सभा बैंकको केन्द्रिय कार्यालय बबरमहलमा बिहान ११ बजे शुरु हुने जानकारी गराएको छ ।
नेपाल बंगलादेश बैंकले ६ प्रतिशत बोनस शेयर र २ दशमलव ४२ प्रतिशत नगद लाभांश वितरण गर्ने प्रस्ताव गरेको छ । उक्त प्रस्ताव पारित गर्नका लागि कम्पनीले पुस २६ गते साधारण सभा बोलाएको छ । सभा बिहान ११ः३० बजेबाट शुरु हुनेछ ।
वि.सं.२०७७ पुस १० शुक्रवार ०८:४७ मा प्रकाशित