काठमाडौं । चालु आर्थिक वर्षको दोस्रो त्रैमाससम्म आइपुग्दा लक्ष्मी लुवित्त वित्तीय संस्था लिमिटेडको नाफा साढे २७ प्रतिशतले बढेको छ । ६ महिनामा संस्थाले ९ करोड ४ लाख रुपैयाँ खुदनाफा गरेको छ ।
अघिल्लो वर्षको यसै अवधिमा संस्थाले ७ करोड ८ लाख ९८ हजार रुपैयाँ खुदनाफा गरेको थियो । खुदब्याज आम्दानी बढेपछि यसको सकरात्मक असर नाफामा परेको संस्थाले आइतबार सार्वजनिक गरेको वित्तीय विवरणमा उल्लेख छ ।
पुस मसान्तसम्म संस्थाको खुदब्याज आम्दानी २२.८८ प्रतिशतले बढेर २२ करोड ३९ लाख रुपैयाँ पुगेको छ । अघिल्लो वर्षको सोही अवधिमा खुदब्याज आम्दानी १८ करोड २२ लाख रुपैयाँ थियो ।
संस्थाको खराब कर्जा २.८७ प्रतिशतले बढेर ४.४२ प्रतिशत पुगेको छ । अघिल्लो वर्ष खराब कर्जा १.५५ प्रतिशत थियो । संस्थाको प्रतिसेयर आम्दानी ५६ रुपैयाँ ४९ पैसा र प्रतिसेयर नेटवर्थ १८२ रुपैयाँ २८ पैसा रहेको वित्तीय विवरणमा उल्लेख छ ।
वि.सं.२०७७ माघ ११ आइतवार ०९:५८ मा प्रकाशित