काठमाडौं । नागरिक लगानी कोषले हकप्रद सेयर जारी गर्दा नबिकेको ३ लाख ५४ हजार २१३ कित्ता सेयर लिलामी गर्ने भएको छ ।
कोषले निष्काशन गरेको १ करोड ३५ लाख ९२ हजार ५९२ कित्ता हकप्रद १ करोड ३२ लाख ३८ हजार ३७८ कित्ताका लागि आवेदन परेको थियो । आवेदन नपरेको ३ लाख ५४ हजार २१३ कित्ता हकप्रदमा आवेदन परेको थिएन । आवेदन नपरेको सेयरलाई लिलामीमा ल्याउने भएको हो ।
कोषले हकप्रद सेयर बाँडफाँड गरिसकेको छ । पुस २८ बाट माघ १९ गतेसम्म १ करोड ३५ लाख ९२ हजार ५९२ कित्ता हकप्रद सेयर बिक्री खुला गरेको थियो ।
वि.सं.२०७७ फागुन ९ आइतवार १०:४९ मा प्रकाशित