काठमाडौं । ग्लोबल आइएमई बैंकले ३० लाख कित्ता ‘८.५०% ग्लोबल आइएमई बैंक डिबेन्चर २०८६-८७’ नामक ऋणपत्र निष्काशन गर्ने भएको छ ।
३० लाख कित्तामध्ये १२ लाख कित्तामा सर्वसाधारणको लाग छुट्याईएमो छ भने बाँकी रहेको १८ लाख कित्ता बैंकले नै विभिन्न संस्थालाई बिक्री गर्नेछ । यता सर्वसाधारणलाइ छुट्याएको ३० लाख कित्तामा पनि ६० हजार कित्ता सामूहिक लगानी कोषलाई छुट्याएको छ । जसले गर्दा सर्वसाधारणले ११ लाख ४० हजार कित्तामा मात्रै आवेदन दिन सक्नेछन् ।
ऋणपत्रमा वार्षिक ८.५० % ब्याजदर पाइनेछ । प्रति कित्ता १ हजार रुपैयाँ दरले न्यूनतम २५ देखि अधिकतम १० लाख कित्तासम्म आवेदन दिन सकिनेछ । यसको बिक्री प्रबन्धक सेञ्चुरी क्यापिटल रहेको छ । ऋणपत्रमा चैत १ देखि छिटोमा चैत ४ गतेसम्म आवेदन दिन सकिनेछ ।
त्यो अवधिमा माग अनुसार आवेदन नपरेको खण्डमा चैत १६ गतेसम्म आवेदन दिन सकिने छ । सी–आस्वामा सहभागी बैंक तथा वित्तीय संस्था तथा मेरो सेयरबाट आवेदन दिन सकिने छ ।
वि.सं.२०७७ फागुन २४ सोमवार १०:४२ मा प्रकाशित
