काठमाडौं । आज नेपाली बजारमा सुनको मूल्य वृद्धि भएको छ । विहीबार छापावाला सुनको मूल्य प्रतितोला ६ सय रुपैयाँले बढेको हो ।
अघिल्लो कारोबार दिन ८६ हजार २ सय रुपैयाँमा किनबेच भएको सुनको मूल्य आज बढेर तोलाको ८६ हजार ८ सय रुयैयाँ कायम गरिएको नेपाल सुनचाँदी व्यवसायी महासंघले जनाएको छ । आज तेजावी सुनको भाउ ८६ हजार ३५० रुपैयाँ छ ।
यस्तै, आज चाँदीको मूल्य पनि बढेको छ । अघिल्लो दिन तोलाको १२ सय ७० रुपैयाँमा कारोबार भएको चाँदीको मूल्य आज १५ रुपैयाँले बढेको हो । आज १२ सय ८५ रुपैयाँ कायम गरिएको महासंघले जनाएको छ ।
वि.सं.२०७७ फागुन २७ बिहीवार ११:०४ मा प्रकाशित
