काठमाडौं । नेपाल प्रहरीले एक लाख ६३ हजार नक्कली नेपाली रुपैयाँसहित २ जनालाई पक्राउ गरेको छ ।
प्रहरीले काठमाडौं महानगरपालिका-४ सुकेधारास्थित आयुष डान्सबारबाट १ हजार दरका १ सय ६३ थान गरी १ लाख ६३ हजार रुपैयाँ नक्कली नेपाली रूपैयाँ सहित २ जनालाई पक्राउ गरेको हो ।
पक्राउ पर्नेहरुमा काठमाडौं बौद्ध बस्ने सिन्धुपाल्चोक गोल्चे गाउँपालिका-३ का २१ वर्षीय बिजय तामाङ र सिन्धुपाल्चोक बाह्रबिसे गाउँपालिका-४ घर भई हाल काभ्रे बनेपा बस्ने ३० वर्षीय धुर्ब श्रेष्ठ रहेका छन् ।
महानगरीय प्रहरी वृत्त महाराजगंजबाट खटिएको प्रहरीले उनीहरुलाई उक्त नक्कली नोट सहित डान्सबारबाट पक्राउ गरेको हो । यस सम्बन्धमा प्रहरीले थप अनुसन्धान गरिरहेको जनाएको छ ।
वि.सं.२०७७ फागुन २७ बिहीवार १६:४६ मा प्रकाशित
