काठमाडौं । नेपाल स्टक एक्सचेञ्ज (नेप्से)मा दुई कम्पनीको बोनस शेयरको मूल्य समायोजन भएको छ ।
शुक्रवार नेप्सेले सबैको लघुवित्त वित्तीय संस्था र स्वाबलम्बन लघुवित्त वित्तीय संस्थाको बोनस शेयरको मूल्य समायोजन गरेको हो । नेप्सेले सबैको लघुवित्तको १० दशमलव ५० प्रतिशत बोनस शेयरको समायोजन पछि शेयरमूल्य १ हजार २२९ रुपैयाँ तोकेको छ ।
त्यस्तै, नेप्सेले स्वाबलम्बन लघुवित्त वित्तीय संस्थाको १९ प्रतिशत बोनस शेयरको समायोजन पछि शेयरमूल्य १ हजार ६६५ रुपैयाँ तोकेको छ ।
वि.सं.२०७७ फागुन २८ शुक्रवार १०:३३ मा प्रकाशित
