काठमाडौं । नेपाल स्टक एक्सचेन्ज (नेप्से)ले नेपाल इन्फ्रास्टक्चर बैंक (निफ्रा) लाई तीन दिने स्पष्टीकरण सोधेको छ ।
निफ्राले ३० मिलियन डलरको बण्ड ल्याउने, लन्डल स्टक एक्सचेन्जमा सूचीकृत हुने भन्ने समाचार अनलाइनमा प्रकाशित भएको भन्दै त्यसको सत्य के कसो भएको हो ?
चालु आर्थिक वर्ष भित्रमा नै ८.५ प्रतिशतको ब्याज तोकी कम्पनीले बण्ड जारी गर्ने र सो लन्डन स्टक एक्सचेन्जमा सूचीकृत हुने भन्ने समाचार कति सत्य हो ? निफ्राले रणनीतिक साझेदारी भित्र्याउने विषयमा को सँग के कस्तो छलफल भएको हो ?
कम्पनीको मुनाफाबाट १० प्रतिशत लाभांश वितरण गर्ने जस्ता धितोपत्रको मूल्यमा प्रभाव पार्ने संवेदनशील सूचना तथा जानकारी सम्बन्धित निकायमा जानकारी गथराउन नआउँदै के कति कारण यस्तो प्रचार भएको हो भन्दै तीन दिने स्पष्टीकरण सोधेको हो ।
निफ्राका प्रमुख कार्यकारी अधिकृत रामकृष्ण खतिवडाले केही दिनअघि चालु आर्थिक वर्षभित्रै लन्डन स्टक एक्सचेञ्जमा ३० मिलियन डलर बराबरको बोन्ड जारी गर्न लागेको बताउनु भएको थियो ।
वि.सं.२०७७ चैत ४ बुधवार १२:०० मा प्रकाशित