काठमाडौं । नेपालबाट चाँदीका गहना निर्यात बढेको छ । चालु आर्थिक वर्षको पछिल्लो आठ महिनामा १५ करोड ५३ लाख ५१ हजार रुपैयाँ बराबरको चाँदीका गहना निर्यात भएको छ ।
भन्सार विभागले सार्वजनिक गरेको फागुनमसान्तसम्मको तथ्याङ्कले यस्तो देखाएका हो । अहिले नेपालबाट विश्वका विभिन्न १५ देशहरुमा चाँदीका गहना निर्यात हुने गरेको छ ।
विभागका अनुसार अमेरिका, अष्टेलिया, जापान, बेल्जियम, क्यानडा, फ्रान्स, जर्मनी, हङकङ, नेदरल्याण्ड पोर्चुगल, सिंगापुर, स्वीट्जरल्याण्ड, टाइवान लगायतका मुलुकमा चाँदीका गहना निर्यात हुने गरेको छ ।
पछिल्लो आठ महिनाको तथ्याङ्क अनुसार सबैभन्दा बढी अमेरिकामा निर्यात भएको छ । उक्त देशमा १० करोड ४४ लाख ४३ हजार रुपैयाँ बराबरको चाँदीका गहना निर्यात भएको विभागले जनाएको छ ।
चाँदी गहना धेरै निर्यात हुने देशमध्ये दोस्रो स्थानमा रहेको अष्टे«लिय छ । उक्त देशमामा १ करोड ३० लाख ७७ हजार रुपैयाँ बराबरको निर्यात भएको छ ।
त्यसैगरि जापानमा ९४ लाख ६९ रुपैयाँ, फ्रान्समा ६७ लाख २२ हजार, नेदरल्यान्डमा ५१ लाख ७६ हजार, स्वीट्जरल्याण्डमा ४१ लाख ५० हजार, क्यानडामा ८ लाख ६९ हजार, जर्मनीमा ५६ लाख ३६ हजार, हङकङमा २० हजार, इटलीमा १ लाख २९ हजार रुपैयाँ बराबरको चाँदी गहना निर्यात भएको छ ।
त्यसैगरि पोर्चुगलमा ४ लाख ८५ हजार, रशियनमा १५ लाख ९३ हजार, सिंगापुरमा १ लाख, बेलायतमा १८ लाख ६७ हजार र टाइवान्मा १३ लाख ४५ हजार, बेल्जियममा २ लाख ७० हजार, रुपैयाँ बराबरको चाँदीका गहना भएका छन् ।
विशेषगरि विदेशी मुलुकमा बन्न नसक्ने नेपाली मौलिक गर गहना नेपालबाट निर्यात हुने गर्दछ । विभागका अनुसार पछिल्लो समयमा नेपालीहरुको बसोवास बढी भएका मुलुकहरुमा गहना निर्यात हुने गरेको छ ।
वि.सं.२०७७ चैत १० मंगलवार १७:२५ मा प्रकाशित