काठमाडौं । नेपाल टेलिकमले विभिन्न स्थानहरुमा तीब्र गतिको डाटा र भ्वाइस सेवा चलाउन मिल्ने ‘फाइबर टु दि होम’ (एफटीटीएच) मा आधारित इन्टरनेट सेवा विस्तार तिव्ररुपमा गरिरहेको छ ।
टेलिकमले उक्त सेवालाई ७७ जिल्लाकै सबै स्थानहरुमा पुर्याउने योजनासहित तीव्र रुपमा काम गरिरहेको छ ।अब ३० जिल्लामा पुग्न बाँकी छ ।
प्रविधिको विकाससँगै टेलिकमले पुरानो प्रविधिमा रहेका ग्राहकलाई एफटीटीएचमा स्थानान्तरण गरिरहेको बताएको छ ।टेलिकमले तामाका तारबाट चलेको पुरानो प्रविधिलाई प्रतिस्थापन गर्दै फाइबर टु दि होम (एफटीटीएच) प्रविधिको विकास गरिरहेको छ ।
फागुनको मसान्तसम्म एफटीटीएच इन्टरनेट सेवाका ग्राहक २ लाख ३ हजार ११० जना पुगेको टेलिकमले जनाएको छ ।ग्राहकमध्ये सबैभन्दा धेरै बागमती प्रदेशमा रहेका छन् । उक्त प्रदेशमा १ लाख ३ हजार ४३३ जना रहेका छन् । सबैभन्दा कम ग्राहक कर्णाली प्रदेशमा ४ हजार ९२१ जना पुगेका छन् ।
त्यसैगरि लुम्बिनीमा २६ हजार ९४७ जना र गण्डकी प्रदेशमा २५ हजार २३ जना, प्रदेश १ मा २१ हजार २७०, सुदूरपश्चिममा ११ हजार ३४९, प्रदेशमा २ मा ८ हजार ११ जना रहेको टेलिकमले जनाएको छ ।
एफटीटीएच सेवामा ग्राहकबाट राम्रो प्रतिक्रिया आइरहेको र यसका विकास पनि तीव्र भइरहेको टेलिकमले जनाएको छ । एफटीटीएच प्रविधिमार्फत परम्परागत तामाको तारको सट्टामा घरसम्म अप्टिकल फाइबर पु¥याई ट्रिपल प्ले अर्थात भ्वाइस, उच्च गतिको इन्टरनेट र भिडियो सेवाहरु प्रदान गरिन्छ । जसले ग्राहकका लागि यो सेवा प्रभावकारी र उपयोगी पनि छ ।
वि.सं.२०७७ चैत १२ बिहीवार ११:५१ मा प्रकाशित
