काठमाडौं । कारोबारको सुरु देखि नै सेयर बजारमा आएको सुधार अन्तिमसम्म कायम नै रहेको छ । जसले गर्दा बजारमा दोहोरो अंकको उछाल आएको छ । कारोबारमा टे«डिङ बाहेकका उप समूहले साथ दिँदा बजार ४३.३६ अंकले बढेर २६१९.०२ बिन्दुमा रोकिएको छ ।
२०९ कम्पनीको १ करोड १२ लाख ८१ हजार ६२५ कित्ता सेयर ६ अर्ब १६ करोड ६८ लाख ६१ हजार ५३८ रुपैयाँको सेयर किनबेच भएको छ । यो दिन बैकिङ समूहको उपसूचक ४०.८६, विकास बैंक ४२.९२, जलविद्यूत ३३.५२, निर्जीबन बीमा ३४९.६८, माइक्रोफाइनान्स २७.५९, जीवन बीमा समूहको उपसूचक १६७.९६ अंकले बढेको छ ।
कारोबार रकमको आधारमा जलविद्युत लगानी तथा विकास कम्पनी रहेको छ । कम्पनीको ३६ करोड ३७ लाख ५३ हजार ९६० रुपैयाँको सेयर किनबेच भएको छ । दोस्रो र तेस्रो स्थानमा क्रमशः अप्पर तामाकोशी हाईड्रोपावर, र निफ्रा रहेको छ ।
वि.सं.२०७७ चैत १८ बुधवार १६:१२ मा प्रकाशित