काठमाडौं । सिंगटी हाइड्रो इनर्जीको आइपीओको रिजल्ट अझै दुई घन्टा जति थाहा पाउन नसकिने भएको छ । शुक्रबार आइपीओको बाँडफाँट भइसेकेको छ ।
आइपीओको बाँडफाँट भइसकेपछि अहिले सबै डाटा अपलोड भइरहेको बिक्री प्रबन्धक मेगा क्यापिटलले जानकारी गराएको छ । उक्त डाटा अपलोड हुन अझै दुई घन्टा लाग्ने बताइएको छ । अहिले डाटा अपलोड भइरहेको भएर क्यापिटलको वेवसाइट पनि खुलेको छैन ।
करिब दुई घन्टा पनि क्यापिटल, सिंगटी हाइड्रो, सिडिएससीको वेवसाइट र मेरो सेयरबाट आइपीओको रिजल्ट थाहा पाउन सकिने भएको छ । आइपीओमा आवेदन दिएका १५ लाख ६५ हजार ५३० आवेदकबाट २ लाख ६९ हजार ७०० जनाले १० कित्ता सेयर पाएका छन् ।
वि.सं.२०७७ चैत २७ शुक्रवार १३:४९ मा प्रकाशित