काठमाडौं । एभरेष्ट बैंकले वैशाख महिनाको लागि नयाँ ब्याजदर सार्वजनिक गरेको छ । बैंकले सार्वजनिक गरेको नयाँ ब्याजदरमा मुद्दति निक्षेप तर्फ फरक फरक ब्याजदर रहेको छ ।
बैंकका अनुसार ३ देखि ६ महिनासम्म व्यक्तिगत तर्फ ४.७५ र संस्थागत तर्फ ५ प्रतिशत। ६ देखि १ वर्षसम्मको लागि व्यक्तिगत तर्फ ६.२५ र संस्थागत तर्फ ६ प्रतिशत, १ देखि १० वर्षसम्मको लागि व्यक्तिगत रुपमा ६.७५ र संस्थागत रुपमा ७ प्रतिशत ब्याज पाइने छ ।
बैंकका अनुसार बचतमा न्यूनतम २ देखि अधिकतम ४ प्रतिशतसम्म रहेको छ । हाल बैंकले २८ वटा बचत खाता सञ्चालनमा ल्याएको छ ।
फागुन मसान्तसम्म बैंकको बेस रेट ६.२१ प्रतिशत रहेको छ । बैंकबाट कर्जा लिनेले ११.२१ प्रतिशत ब्याज लाग्नेछ ।
बैंकबाट हाउजिङ, हायर पर्चेज, भेहिकल, पर्सनल, टर्म, मार्जिन लेन्डिङ, भेहिकल लोन लिँदा ११.२१ प्रतिशतसम्म ब्याज लाग्ने छ । यस्तै शैक्षिक धितोकर्जा लिँदा १०.२१ प्रतिशतसम्म ब्याज लाग्नेछ ।
वि.सं.२०७७ चैत ३१ मंगलवार ११:५१ मा प्रकाशित