काठमाडौं । मंगलवार सेयर बजारमा सामान्य अंकको सुधार आएको छ । अघिल्लो दुई कारोबार दिन लगातार गिरावट आएको सेयर बजारमा आज २.६८ अंकको सुधार देखिएको हो ।
आज बजार परिसुचक २६ सय ६४.६१ अंकको विन्दुमा पुगेर बन्द भएको छ । बजारमा सामान्य सुधार देखिएपनि कारोबार रकम भने घटेको छ । अघिल्लो दिन ६ अर्ब को कारोबार भएकोमा आज भने ५ खर्ब ५३ करोड ८६ लाख रुपैयाँ बराबरको भएको छ ।
उक्त दिन बैंकिङ समूह १.३७ अंक, निर्जीवन बीमा २४.३९, म्यूचुअल फण्ड ०.०४ र लगानी समूह १.०५ अंकले घटेको छ । अन्य समूह हरियाली देखिएको छ ।
आज नागरिक लगानीकोषको सर्वाधिक कारोबार भएको छ । कोषको २१ करोड ४२ लाख ८९ हजार रुपैयाँ बराबरको सेयर कारोबार भएको छ ।
वि.सं.२०७८ वैशाख ७ मंगलवार १५:१२ मा प्रकाशित