काठमाडौं । राष्ट्रिय पुनर्निर्माण प्राधिकरण प्राविधिक राष्ट्रिय हकहित संरक्षण समितिले चरणबद्व आन्दोलन घोषणा गरेको छ ।
आइतबार रिपोर्टर्स क्लब नेपालमा पत्रकार सम्मेलन गरेर समितिले खाईपाई आएको भत्ता र असार मसान्तसम्ममा सकिन लागेको समयसिमा थपगर्नु पर्ने माग गर्दै आन्दोलनको घोषणा गरेको हो ।
कार्यक्रममा प्राविधिक राष्ट्रिय हकहित संरक्षण समितिका अध्यक्ष ई. अविनाश अमरले सरकार समक्ष प्राविधिकहरुको सकिन लागेको दरवन्दीको समयसिमा थप गर्न जोडदार माग गनुभयो ।
प्राविधिकलाई राज्यले दायित्व भन्दापनि सम्पत्ति सोचेर व्यवस्थापन गर्नुपर्ने उहाँको भनाई थियो । ‘प्राविधिकहरु खुशीभए सारा देश र जनताहरु खुशीहुन्छन् ।’ अध्यक्ष अमरले भन्नुभयो,‘सरकारले प्राविधिक चाहीदैन भनेर दरबन्दी कटौती गर्नु दुःखद् कुरा हो ।’
त्यस्तै, नेपाल इन्जिनियरिङ एशोसियशनका आगामी ३३आंै कार्यकारी समितिका महासचिव पदका प्रत्यासी डा. शंकर ढकालले ५ वर्ष बढि भन्दा कार्य अनुभव बटुलेका प्राविधिकहरुको सम्मान गर्नुपर्नेमा जोड दिनुभयो । प्राविधिकहरुलार्इ तिरस्कृत नगरेर उनीहरुले राखेका जायज माग पुरा गर्नुपर्ने उहाँको भनाई थियो ।
सोही अवसरमा नेपाल इन्जिनियरिङ एशोसियशनका आगामी अध्यक्षपदकाअर्का प्रत्यासी ई डा. दिलिपकुमार झाले इन्जिनियरिङ एशोसियशनले पनि प्राविधिकहरुलाई स्थान दिन नसकेको बताउनुभयो ।
प्राविधिकहरुले उठाएको मागहरुमा सरोकारवाला तथा एशोसियन पनि प्रतिबद्व हुनुपर्नेमा जोड दिनुभयो । उहाँले चुनावी एजेण्डामा मात्र नभएर कार्यान्यन तिर लाग्नुपर्ने बताउनुभयो ।
त्सैगरि महासचिव उम्मेवारका प्रत्यासी ई. डा. कृष्णसिंह बस्नेतले २०७२ सालको महा विनाशकारी भुकम्प र त्यसपछिको पराकम्पले पुर्याएको क्षतिलाई मुर्त रुप दिन प्राविधिकहरु लागि परेको भन्दै उनीहरुको माग यथासिघ्र पुरा गर्नुपर्नेमा जोड दिनुभयो ।
महासचिव उम्मेदवारका अर्का प्रत्यासी ई. अमृतमणि रिमालले प्राविधिकहरुलाई सेवा प्रवेश गराइदाँदेखि नै उपलब्ध गराउने भनिएको अतिरिक्त सुविधा, दुर्गम क्षेत्र निर्धारण र प्रोत्साहनको लागि मापदण्ड बनाउने भनिदिएको आश्वासन पुरा गर्नुपर्ने बताउनुभयो ।
इन्जिनियरिङ एशोसियशनका अध्यक्ष उम्मेदवार पदका प्रत्यासीहरु ई. डा. हरिराम पराजुली, ई. डा.सुरज लामिछाने, ई. डा. हरिबहादुर दर्लामी लगायतले प्राविधिकहरुको जायज माग पुरा गर्नुपर्ने धारणा राख्नुभएको थियो ।
उहाँहरुले घोषणा गरेको चरणबद्व आन्दोलनहरु बैैशाख १३ र १४ गते कालोपट्टी बाँधेर कार्य क्षेत्रमाकाम गर्ने, बैशाख १५, १६ र १७ गते कार्यक्षेत्रमा उपस्थित भई ‘पेन–डाउन’गर्ने र १८ गते सम्पुर्ण प्राविधिकहरुले औपचारिक कार्यक्रम मार्फत राजीनामा दिने रहेको छ ।
वि.सं.२०७८ वैशाख १२ आइतवार १८:१३ मा प्रकाशित
