काठमाडौं । चालु आर्थिक वर्षको तेस्रो त्रैमास सम्ममा नबिल बैंकले ३ अर्ब ६७ करोड ९८ लाख ७० हजार रुपैयाँ खुद नाफा आर्जन गरेको छ । जुन गत आजको सोही अवधिको तुलनामा १६.५० प्रतिशतले बढी हो ।
गत आवको सोही अवधिमा बैंकको नाफा ३ अर्ब १५ करोड ८६ लाख ८६ हजार रुपैयाँ रहेको थियो । यो अवधिमा बैंकको वितरणयोग्य ३ अर्ब ८० करोड २४ लाख ९५ हजार रहेको छ ।
चालु आवको तेस्रो त्रैमाससम्म आईपुग्दा बैंकको खुद ब्याज आम्दानी घटेपनि सञ्चालन मुनाफा भने बढेको छ । गत आवको तेस्रो त्रैमासको तुलनामा खुद ब्याज आम्दानी ५.१० प्रतिशतले घटेर ५ अर्ब ९ करोड ६९ लाख ६२ हजार रुपैयाँ रहेको छ । यस्तै सञ्चालन नाफा १६.३७ प्रतिशतले बढेर ५ अर्ब २४ करोड ८ लाख ९ हजार रुपैयाँ रहेको छ ।
१३ अर्ब ४० करोड ८१ लाख ५९ हजार रुपैयाँ चुक्ता पुँजी भएको बैंकको जगेडा कोषमा १३ अर्ब ८४ करोड ६७ लाख ४ हजार रुपैयाँ रहेको छ ।
बैंकले चैत मसान्तसम्म आईपुग्दा २ अर्ब ८ अर्ब ३३ करोड ३८ लाख १८ हजार रुपैयाँ निक्षेप संकलन गरेर १ खर्ब ८६ अर्ब १९ करोड ३१ लाख ९८ हजार रुपैयाँ कर्जा लगानी गरेको छ ।
बैंकको खराब कर्जा ०.६३ प्रतिशतबाट घटेर ०.४८ प्रतिशत रहेको छ । प्रतिसेयर आम्दानी ३६ रुपैयाँ ६३ पैसामा रहेको छ ।
वि.सं.२०७८ वैशाख १५ बुधवार ११:०२ मा प्रकाशित
