काठमाडौं । अजोड इन्स्योरेन्सले चालु आर्थिक वर्षको तेस्रो त्रैमासिक वित्तीय विवरण सार्वजनिक गरेको छ । कम्पनीले तेस्रो त्रैमासमा ६ करोड ११ लाख ६ हजार रुपैयाँ नाफा कमाएको छ ।
जुन गत आवको सोही अवधिको तुलनामा ७४.०७४ प्रतिशतले बढी हो । गत वर्ष कम्पनीले ३ करोड ५१ लाख ४५ हजार नाफा कमाएको थियो ।
चैतमसान्तसम्म कम्पनीले १ अर्ब २ करोड ४१ लाख ९१ हजार रुपैयाँ कुल बीमाशुल्क आर्जन गरेको छ । गत वर्षको सोही अवधिको तुलनामा ६८.९० प्रतिशतले बढी हो ।
गत वर्ष कम्पनीले ६० करोड ६३ लाख १२ हजार रुपैयाँ कुल बीमाशुल्क आर्जन गरेको थियो । जारी बीमालेखको संख्या १ लाख ५ हजार ९० रहेको छ । नवीकरण गरिएको बीमालेखको संख्या ९ हजार ९७ रहेको छ ।
चालु आवको तेस्रो त्रैमाससम्म कम्पनीले ५० करोड २९ लाख ९५ हजार रुपैयाँ कुल दावी भुक्तानी गरेको छ । भुक्तानी हुन् बाँकी रकम भने ४३ करोड ९३ लाख ५० करोड रुपैयाँ रहेको छ ।
कम्पनीको चुक्तापूँजी १ अर्ब पुगेको छ । जगेडा तथा कोषमा ७ करोडव ५५ लाख १५ हजार रुपैयाँ रहेको छ । बीमा कोषमा ९ करोड २९ लाख २५ हजार रुपैयाँ, महा विपत्ती जगेडामा ८३ लाख ९० हजार रुपैयाँ रहेको छ ।
कम्पनीको प्रतिसेयर आम्दानी ८ रुपैयाँ १५ पैसा, प्रतिसेयर नेटवर्थ ११७ रुपैयाँ ६८ पैसा रहेको छ ।
वि.सं.२०७८ वैशाख २६ आइतवार १०:३२ मा प्रकाशित
