काठमाडौं । त्रिभुवन विश्वविद्यालयले परीक्षा आवेदन फारम भर्ने समय अनिश्चितकालका लागि स्थगित गरेको छ । मंगलबार त्रिविको परीक्षा नियन्त्रण कार्यालयले एक सूचना निकाल्दै उक्त जानकारी गराएको हो ।
कार्यालयबाट पूर्व प्रकाशित सूचनाअनुसार स्नातक तह प्रथम वर्षको परीक्षा आवेदन, रजिष्ट्रशन तथा स्नातकोत्तर तह दोस्रो वर्षको परीक्षा आवेदन फारम भर्ने समय स्थगित गरेको जनाएको छ ।
विश्वव्यापी रुपमा फैलिएको कोभिड १९ को दोस्रो लहरको प्रकोपका कारण अर्को सूचना प्रकाशित नभएसम्मका लागि स्थगित गरिएको सूचनामा उल्लेख छ ।
वि.सं.२०७८ वैशाख २८ मंगलवार १७:५९ मा प्रकाशित