काठमाडौं । निषेधाज्ञा थप गर्ने निर्णयसगैँ काठमाडौं प्रशासनले निषेधाज्ञा कार्यान्वयन र बजार अनुगमनलाई तिब्रता दिएको छ । यसक्रममा प्रशासनले मेडिकल सामाग्री कालोबजारी गर्ने ७ जना व्यक्तिलाई प्रकाउ गरेको छ ।
काठमाडौं प्रशासन, महानगरीय अपराध अनुसन्धान महाशाखा, औषधि व्यवस्था विभाग तथा वाणिज्य विभाग समेतको संयुक्त टोली बजार अनुगमन गर्दा मेडिकल सामाग्री कालोबजारी गर्ने ७ जनालाई पक्राउ गरेको हो ।
काठमाडौंका विभिन्न स्थानबाट लुकाइ छिपाई राखेको र अवैध रूपमा विक्रि वितरण समेत भएको ७६५ थान अक्सिमिटर बरामद गरेको जिल्ला प्रशासन कार्यालयले विज्ञप्ति मार्फत जानकारी गराएको छ ।
पक्राउ परेकाहरु ७ जना न्यक्तिहरूलाई थप अनुसन्धान र कानूनी कारबाहीको प्रक्रिया अगाडि बढाइएको जनाएको छ ।
वि.सं.२०७८ वैशाख २८ मंगलवार १८:४३ मा प्रकाशित
