काठमाडौं । नेपाल उद्योग परिसंघले सरकारलाई ८ लिटर क्षमताका २०० थान अक्सिजन कन्सन्ट्रेटर हस्तान्तरण गरेको छ ।
परिसंघले आफ्नो सदस्य संस्था होङ्शी-शीभम सिमेन्ट मार्फत स्वास्थ्य मन्त्रालयलाई २ करोड रुपैयाँ बराबरको उक्त सामाग्रिहरु हस्तान्तरण गरेको हो ।
कार्यक्रममा स्वास्थ्य तथा जनसंख्या मन्त्रि हृदयेश त्रिपाठीले माहामारी तथा अक्सिजनको अभाव भएको समयमा उपलब्ध सामाग्रिहरुले अक्सिजन शिलिन्डरको विकल्पका रुपमा राहत हुने विचार व्यक्त गर्नुभयो । सामाग्रि हस्तान्तरण गर्दै परिसंघका अध्यक्ष सतिश कुमार मोरले राष्ट्र संकटमा रहेको बेला निजी क्षेत्र सरकारसंगै रहेको बताउनुभयो ।
कोभिड–१९को दोस्रो लहरसंगै देशका अधिकांश स्थानहरुमा निशेधाज्ञा जारी भएको अवस्था छ । दिनप्रतिदिन विरामीहरुकोचाप बढ्दै गईरहेको छ । अस्पतालहरुमा बेडको चरम अभावदेखापर्दै गएको छ । त्यस्तै कोभिडका विरामीहरुलाई अत्यावश्यक मानिएको अक्सिजन तथा अक्सिजन शिलिन्डरको समेत अभाव भईरहेको छ ।
यस्तो आपतकालीन परिस्थितिसंग जुध्न परिसंघले यस अघि नै उद्योगहरुमा रहेको अक्सिजन शिलिन्डरहरु सरकारलाई उपलब्ध गराउन सवैलाई आह्वान समेत गरिसकेको छ ।
वि.सं.२०७८ वैशाख २८ मंगलवार १९:०९ मा प्रकाशित
