काठमाडौं । छयाङदी हाइड्रोपावर जलविद्युत चालु आर्थिक वर्षको नौ महिनामा १ करोड ६ लाख ७९ हजार रुपैयाँ खुद नाफा कमाएको छ ।
जुन गत आवको सोही अवधिको तुलनामा १२.८६ प्रतिशतले कमी हो । गत आवको सोही अवधिमा १ करोड २२ लाख ५५ हजार रुपैयाँ नाफा आर्जन गरेको थियो ।
विद्युत विक्रीबाट हुने आम्दानी घटेसँगै कम्पनीको नाफामा समेत निकै असर परेको वित्तीय अवस्थाले देखाएको छ । गत आवको तेस्रो त्रैमासमा विद्युत बिक्रीबाट ४ करोड ५७ लाख रुपैयाँ आम्दानी गरेको कम्पनीले चालु आवको सोही अवधिमा १५.५२ प्रतिशतले घटेर ३ करोड ४६ लाख रुपैयाँ रहेको छ ।
कम्पनीको सञ्चालन नाफा ३ करोड ९३ लाख रुपैयाँ रहेकोमा चालु आवको सोही अवधिमा आईपुग्दा घटेर ३ करोड ९ लाख रुपैयाँमा झरेको छ । २९ करोड ७६ लाख रुपैयाँ चुक्ता पुँजी रहेको कम्पनीको जगेडा कोषमा १ करोड ११ लाख रुपैयाँ रहेको छ । प्रतिसेयर आम्दानी ४ रुपैयाँ ७८ पैसा रहेको छ भने प्रतिसेयर नेटवर्थ १०३ रुपैयाँ ७५ पैसा रहेको छ ।
वि.सं.२०७८ जेठ २ आइतवार १०:५६ मा प्रकाशित
