काठमाडौं । जेठ महिनाको पहिलो दिन सुनको मूल्य ह्वात्तै बढेको छ । आज एकैदिन तोलामा ९ सय रुपैयाँले वृद्धि भएको हो ।
नेपाली बजारमा आज छापावाला सुनको मूल्य तोला ९ सय रुपैयाँले बढेर ९२ हजार ५ सय रुपैयाँ पुगेको नेपाल सुनचाँदी व्यवसायी महासंघले जनाएको छ ।
अघिल्लो कारोबार दिन अर्थात बैशाख ३१ गते ९१ हजार ६ सय रुपैयाँमा खरिदबिक्री भएको थियो । आजका लागि तेजावी सुनको मूल्य तोलाको ९२ हजार रुपैयाँ निर्धारण गरिएको महासंले जनाएको छ ।
यस्तै, साताको पहिलो कारोबार दिन चाँदीको मूल्य बढेको छ । आज प्रतितोला २० रुपैयाँले बढेर १३ सय ५० पुगेको महासंघले जनाएको छ । अघिल्लो कारोबार दिन १३ सय ३० रुपैयाँमा खरिदबिक्री भएको थियो ।
वि.सं.२०७८ जेठ २ आइतवार ११:१३ मा प्रकाशित
