काठमाडौं । चालु आर्थिक वर्षको तेस्रो त्रैमाससम्म आईपुग्दा ५ तारे होटल सोल्टीले १३ करोड ६६ लाख ३८ हजार नोक्सानी व्यहोरेको छ । गत वर्षको सोही अवधिमा होटलको नाफा १४ करोड ५ लाख ४७ हजार रुपैयाँ रहेको थियो ।
यो अवधिमा सोल्टीको आम्दानी ७३.५४ प्रतिशतले घटेर ३० करोड ८७ लाख ४७ हजार रुपैयाँ मात्रै रहेको छ । यो अवधिमा सञ्चालन नोक्सान १३ करोड ६२ लाख २७ हजार रुपैयाँ देखिएको छ ।
८४ करोड २५ लाख ७९ हजार रुपैयाँ चुक्ता पुँजी रहेको होटलको जगेडा कोषमा ६७ करोड ५ लाख ६७ हजार रुपैयाँ रहेको छ । प्रतिसेयर १ रुपैयाँ ६२ पैसा नोक्सानमा रहेको होटलको छ भने प्रतिसेयर नेटवर्थ १७ रुपैयाँ ९६ पैसा रहेको छ ।
होटलले कोरोनाका कारण नाफामा जानु पर्नेमा नोक्सानी बढेको वित्तीय अवस्थामा जनाएको छ ।
वि.सं.२०७८ जेठ ३ सोमवार ११:२९ मा प्रकाशित