काठमाडौं । चालु आर्थिक वर्षको पछिल्लो १० महिनामा २० करोड बढीका स्मार्ट घडी आयात भएको छ ।
भन्सार विभागले सार्वजनिक गरेको चालु आवको बैशाख मसान्तसम्मको तथ्याङ्कले यस्तो देखाएको हो । उक्त अवधिमा विश्वका करिव डेढ दर्जन मुलुकहरुबाट २० करोड ७ लाख ७९ हजार रुपैयाँ बराबरको स्मार्ट घडि नेपाल भित्रिएको हो ।
विभागका अनुसार बैशाख मसान्तसम्म १ लाख २३ हजार ६२ थान स्मार्ट घडि आयात भएको छ । नेपालमा चीन, भारत, जापान, अमेरिका, भेटनाम, हङकङ, कोरिया, बेलायत, कतार, अष्टे«ेलिया, फ्रान्स, नेदरल्याण्ड, पोर्चुगल लगायतका देशहरुबाट आयात भएको विभागले जनाएको छ ।
१० महिनाको अवधिमा सबैभन्दा धेरै चीनबाट आयात भएको छ । उक्त देशबाट १ लाख १७ हजार ८२१ थान स्मार्ट घडि आयात भएको हो । जुन, १५ करोड १७ लाख १७ हजार रुपैयाँ बराबरको रहेको विभागको तथ्याङ्कमा उल्लेख छ ।
त्यसैगरि भेटनामबाट ४ करोड ८ लाख २३ हजार रुपैयाँ बराबरको १ हजार २९९ थान र भारतबाट ४३ लाख ५३ हजार रुपैयाँ बराबरको ३ हजार ६३६ थान स्मार्ट घडि आयात भएको छ ।
बैशाख मसान्तसम्ममा सबैभन्दा थोरै रकमको इज्रायलबाट आयात भएको छ । उक्त देशबाट ३ हजार रुपैयाँ बराबरको तीन थान र फ्रान्स, नेदरल्याण्ड, न्यूजिल्याण्ड र पोर्चुगलबाट १/१ थान आयात भएको विभागले जनाएको छ ।
कुन देशबाट कति आयात ?
वि.सं.२०७८ जेठ ११ मंगलवार ११:०९ मा प्रकाशित
