काठमाडौं । कोरोना महामारी बढेसँगै सरकारले बैंक तथा वित्तीय संस्था र त्यसको शाखा खोल्ने र कर्मचारी आउन समेत कडाइ गरेको छ ।
जिल्ला प्रशासन कार्यालयले सूचना जारी गर्दै काठमाडौ जिल्लामा बाणिज्य बैंकको हकमा प्रधान कार्यालय र ३ वटा शाखा कार्यालय तथा विकास बैंकको हकमा प्रधान कार्यालय र २ वटा शाखा कार्यालय आलोपालो गरी न्यूनतम जनशक्ति (२० प्रतिशत मात्र प्रयोग गरी कार्य संचालन गर्ने व्यवस्था मिलाउन निर्देशन दिएको छ ।
यसको जानकारी राष्ट्र बैंक र जिल्ला प्रशासन कार्यालयलाई दिन समेत आग्रह गरेको छ । यस्तै बैकका सवारी साधन संचालनको हकमा बढीमा २ वटा सवारी पास जारी गरी त्यसको जानकारी राष्ट्र बैंक र जिल्ला प्रशासन कार्यालयमा दिन भनेको छ ।
यस्तै सरकारी कार्यालय, सार्वजनिक संस्थान, बैक, इन्टरनेट प्रदायक संस्था र एनसेलका सवारी साधनको हकमा बिहान साढे बजे देखि साढे १० बजेसम्म र बेलुका ५ बजे देखि ६ बजे सम्म कार्यालयमा आवतजावतका लागि मात्र प्रयोग गर्ने गरी व्यवस्था मिलाउन भनेको छ ।
वि.सं.२०७८ जेठ ११ मंगलवार १८:१७ मा प्रकाशित