काठमाडौं । उपप्रधान तथा अर्थमन्त्री बिष्णु प्रसाद पौडेलले धितोपत्र बोर्डलाई वस्तु विनिमय बजार सञ्चालमा ल्याउनका लागि आवश्यक गृहकार्य तत्काल सुरु गर्न निर्देशन दिनु भएको छ । बोर्डको २९ औं बार्षिकोत्सवमा उहाँले यस्तो निर्देशन दिनु भएको हो ।
मन्त्री पौडेलले आगामी आवको बजेटले बस्तु विनियम बजार सुरु गर्ने अठोट लिएको भन्दै त्यसको लागि अहिलेबाट नै गृहकार्य गर्न निर्देशन दिनु भएको हो । उहाँले समयमा नै वस्तुविनिमय सञ्चालनमा आउने अपेक्षा गरेको जानकारी गराउनु भयो ।
कार्यक्रममा अहिले सेयर बजारमा नयाँ लगानीकर्ता भित्रिएका र बजारले पनि नयाँ उचाई लिएको भन्दै यो बेला नकारात्मक कुरा प्रवेश गर्न दिन नहुने बताउनुभयो । उहाँले बजारलाई विश्वसनियम बनाउन, बजारमा नकारात्मक कुरा आउन नदिन ध्यानाकर्षण गराउनुभयो ।
उहाँले लगानीकर्ताले सरकारलाई विश्वास गरेको भन्दै सोही अनुसार काम गर्न आग्रह गर्नुभयो । उहाँले बजारलाई नकारात्मक असर गर्ने कुनै कुरा नल्याउन र लगानीकर्ताको सम्पती नगुम्न तर्फ विषेश ध्यान दिन आग्रह गर्नुभयो ।
वि.सं.२०७८ जेठ २५ मंगलवार १२:५६ मा प्रकाशित
