काठमाडौं । महिला लघुवित्त वित्तीय संस्थाको सेयर मूल्यमा अस्वभाविक चलखेल भएको नियामक निकाय नेपाल धितोपत्र बोर्डको अध्ययनले देखाएको छ ।
मंगलबार अस्वभाविक चलखेल गरी सेयर मूल्य बढाउने ५१ कम्पनी मध्ये महिला लघुवित्त पनि देखिएको छ । पछिल्लो समय केही सूचीकृत कम्पनीको सेयर मूल्यमा चलखेल गरी बढाएपछि बोर्डले अनुसन्धान गरेको थियो ।
बोर्डका अनुसार उक्त कम्पनीहरुको कारोबारमा भित्री कारोबार, सर्कुलर कारोबार, कर्नरिङ लगायतका धितोपत्र सम्बन्धी कसुरका सम्बन्धमा अध्ययन सुरु भएको बताइएको छ ।
जेठ २१ गते कम्पनीको सेयर मूल्य ५ हजार ५० रुपैयाँ पुगेको थियो । कम्पनीको प्रतिसेयर आम्दानस् ८५ रुपैयाँ ६६ पैसा, प्रतिसेयर नेटवर्थ २९१ रुपैयाँ ८४ पैसा रहेको छ ।
बोर्डले चलखेल गर्ने कम्पनीको नामावली प्रकाशन गरेकै दिन महिला लघुवित्तको २ करोड ५३ लाख १२ हजार ६९७ रुपैयाँ बराबरको कारोबार भएको छ । मंगलबार कम्पनीको ४ हजार ९९४ कित्ता सेयर खरिदबिक्र भएको छ ।
वि.सं.२०७८ असार १ मंगलवार १६:४७ मा प्रकाशित
