काठमाडौं । आगामी आर्थिक वर्ष २०७८/८९ का लागि प्रदेश २ सरकारले ३३ अर्ब ७९ करोड १४ लाख ३० हजार रुपैयाँ बजेट विनियोजन गरेको छ ।
कुल विनियोजित बजेटमध्ये चालुगततर्फ १५ अर्ब ६३ करोड ३३ लाख ४७ हजार रुपैयाँ, पुँजीगततर्फ१८ अर्ब ५ करोड ३० लाख ८३ हजार रुपैयाँ र वित्तीय व्यवस्थापनतर्फ १० करोड रुपैयाँ बजेट विनियोजन गरेको छ ।
स्रोत व्यवस्थापनतर्फ प्रदेशको आन्तरिक स्रोतबाट ३ अर्ब ४ करोड ९१ लाख, ३१ हजार र संघीय सरकारबाट प्राप्त हुने अनुदानबाट १३ अर्ब ९० करोड ३४ लाख रुपैयाँ बराबर व्यहोरिने प्रदेश नम्बर २ का आर्थिक मामिला तया योजना मन्त्री बिजय कुमार यादवले प्रदेश सभा बैठक मार्फत जानकारी गराउनुभयो । उहाँका अनुसार राजस्व बाँडफाँडबाट ९ अर्ब ५८ करोड ८९ लाख रुपैयाँ बराबर स्रोत व्यहोरिने छ ।
चालु आवको बजेट खर्च गर्न नसकेको ६ अर्ब २५ करोड रुपैयाँको नगद मौज्दात समेत गरी बजेट स्रोत व्यवस्थापन गरिएको मन्त्री यादवले जानकारी गराउनुभयो ।
उहाँका अनुसार यी सबै स्रोतबाट ३२ अर्ब ७९ करोड १४ लाख ३० हजार रुपैयाँको बजेट स्रोत व्यवस्थापन गरिएको छ । बाँकी १ अर्ब रुपैयाँ बराबरको स्रोत जुटाउन आन्तरिक ऋण परिचालन गर्ने लक्ष्य प्रदेश सरकारको लक्ष्य रहेको छ ।
यस्तै, सुदुरपश्चिम प्रदेश सरकारले मंगलबार आगामी आवका लागि ३० अर्ब ३३ करोड ९४ लाख ५५ हजार रुपैयाँको बजेट विनियोजन गरेको छ ।
जसमध्ये चालुतर्फ १० अर्ब ६६ करोड ९ लाख ३ हजार रुपैयाँ पुँजीगततर्फ १७ अर्ब ६५ करोड ४० लाख ५२ हजार, अन्तर सरकारी वित्त हस्तान्तरण अन्तर्गत १ अर्ब ७२ करोड ४५ लाख र वित्तीय व्यवस्थापनतर्फ ३० करोड रुपैयाँ बिनियोजन गरेको हो ।
त्यसैगरी स्रोतमध्ये राजस्व परिचालनबाट १ अर्ब ८ करोड ३ लाख २२ हजार रुपैयाँ, नेपाल सरकारबाट प्राप्त राजस्व बाँडफाँड भइ प्राप्त हुने अनुमानित रकम ७ अर्ब ९२ करोड ९१ लाख रुपैयाँ रहेको छ । त्यसैगरी संघीय रोयल्टी बाँडफाँड भइ प्राप्त हुने ३ करोड ९४ लाख ६३ हजार, नेपाल सरकारबाट प्राप्त हुने वित्तीय समानीकरण अनुदान ८ अर्ब ५४ करोड ४० लाख र चालु आर्थिक वर्षको विनियोजनबाट बचत हुने अनुमानित रकम ६ अर्ब ६८ करोड ३० लाख ६१ हजार रुपैयाँ रहेको छ ।
यस्तै, सशर्त अनुदानबाट प्राप्त हुने ४ अर्ब १९ करोड ३३ लाख, संघीय समपूरक अनुदानबाट प्राप्त हुने अनुमान गरिएको रकम १ अर्ब २२ करोड ९४ लाख, विशेषबाट ६१ करोड ३५ लाख र विकास साझेदारहरुबाट बजेट प्रणाालीमार्फत परिचालन हुने सहायता रकम २ करोड ४६ लाख १० हजार रुपैयाँ अनुमान प्रदेश सरकारको रहेको छ ।
त्यसैगरि लुम्बिनी प्रदेश सरकारले आगामी आर्थिक वर्षका लागि ४० अर्ब ९५ करोढ ९७ लाख विनियोजन भएको छ ।
जसमध्ये चालु तर्फ १४ अर्ब ९३ करोड ७३ लाख ४३ हजार रहेको छ । पुँजी तर्फ २१ अर्ब १७ करोड ९९ लाख ६१ हजार र वित्तीय तर्फ ४ अर्ब ८४ करोड २३ लाख ९६ हजार रुपैयाँ रहेको छ ।
वि.सं.२०७८ असार १ मंगलवार १९:५३ मा प्रकाशित
