सुनसरी । जिल्ला प्रहकरी कार्यालयले सुनसरीले मोटरसाइकल तथा भैसी चोरी गरी लैजादै गरेको अवस्थामा २ जना व्यक्तिलाई पक्राउ गरेको छ ।
कोशी गाउँपालिका–१ बस्ने विक्रम साहको आफ्नै घरमा राखेको बा.९० प ७७९३ नम्बरको मोटरसाइकल चोरी गरी लैजादै गरेको अवस्थामा प्रहरीले प्रकाउ गरेको हो ।
प्रहरीले सोही ठाउँ बस्ने ओम प्रकाश यादवलाई सोही गाउँपालिका–८ भण्टाबारीबाट पक्राउ गरेको हो । यसैगरी सुनसरी ईनरुवा नगरपालिका–९ बविया बस्ने रामरुप खत्वेको घरबाट भैसी र पाडा चोरी गरी लैजादै गरेको अवस्थामा भोक्राहा नरसिंह गाउँपालिका–५ टपरा बस्ने २२ वर्षीय जियाउदिन मन्सुसरीलाई प्रकाउ गरेको छ ।
मोटरसाइकल तथा भैसी चोरी भएको खबर प्राप्त हुनासाथ जिल्ला प्रहरी कार्यालय सुनसरीबाट छुट्टाछुट्टै खटिएको प्रहरीले दुवै जनालाई पक्राउ गरी गरेको बताइएको छ ।
उनीहरु उपर जिल्ला अदालत सुनसरीबाट ७ दिन म्याद थप भई आवश्यक अनुसन्धान भइरहेको जिल्ला प्रहरी कार्यालय सुनसरीले जनाएको छ ।
वि.सं.२०७८ असार ७ सोमवार १३:३० मा प्रकाशित
