काठमाडौं । साताको दोस्रो कारोबार दिन आधा दर्जन कम्पनीको सेयर मूल्यमा उच्च गिरावट आएको छ । सोमबार उच्च दरमा सेयर मूल्य घट्ने अधिकांश जलविद्युत कम्पनीहरु रहेका छन् ।
उक्त दिन पोखारा फाइनान्स र युनिभर्सल पावर कम्पनीको सेयर मूल्य ९ प्रतिशत भन्दा धेरैले घटेको छ । आज पोखार फाइनान्सको प्रतिकित्ता ६० रुपैयाँले घटेर ५८८ मा झरेको छ । युनिभर्सल पावरको ९.१२ प्रतिशत अर्थात प्रतिकित्ता २८ रुपैयाँले घटेर २७९ मा पुगेको छ ।
यस्तै, आज युनियन हाइड्रोपावर, हिमाल दोलखा हाइड्रोपावर कम्पनी, लिवर्टी इनर्जी कम्पनी, गुहेश्वरी मर्चेण्ट बैंक तथा फानान्स, प्रोग्रेसिफ फाइनान्स र पञ्चकन्या माई हाइड्रोपावर कम्पनीको सेयर मूल्य उच्च दरमा घटेको छ ।
कुनको कति घट्यो ?
वि.सं.२०७८ असार ७ सोमवार १५:०० मा प्रकाशित
