काठमाडौं । अपि पावर कम्पनीको हकप्रद सेयरमा आवेदन दिने अब दुई दिन मात्र बाँकी रहेको छ ।
कम्पनीले प्रतिकित्ता १०० रुपैयाँ दरले ५६ लाख ७० हजार कित्ता हकप्रद सेयर निष्काशन गरेको हो । उक्त सेयरमा असार १३ गते बैंकिङ सयमसम्म आवेदन दिन सकिने छ ।
कम्पनीले असार ९ गतेसम्म आवेदन दिने व्यवस्था गरेकामा पछि ४ दिन समय थपेर १३ गतेसम्म दिन पाइने व्यवस्था गरेको हो ।
यसको बिक्री प्रबन्धकमा मुक्तिनाथ क्यापिटल रहेको छ ।
१ अर्ब ९२ करोड ९७ लाख ५६ हजार रुपैयाँ चुक्ता पुँजी रहेको कम्पनीको १ः०.२९३८ अनुपातमा हकप्रद बिक्री गरेपछि २ अर्ब ४९ करोड ६७ लाख ५६ हजार रुपैयाँ चुक्ता पुँजी रहेको छ ।
वि.सं.२०७८ असार ११ शुक्रवार ११:२५ मा प्रकाशित
