काठमडौं । सिभिल बैंकका प्रमुख कार्यकारी अधिकृत (सीईओ) सुनिल कुमार पोखरेलले आजदेखि पदभार सम्हाल्नु भएको छ ।
बैंकको गत जेठ २७ मा बसेको संचालक समितिको ३४५औं बैठकले सीईओमा पोखरेललाई असार १८ गतेदेखि लागू हुने गरी आगामी चार वर्षको लागि नियुक्ति गरेको थियो ।
नेपालका विभिन्न बैंकहरु (स्ट्याण्डर्ड चाटर्ड नेपाल बैंकमा १६ वर्ष, एन.आइ.सी एशीया बैंकमा साढे ५ वर्ष, नविल बैंकमा १ वर्ष र पछिल्लो २ वर्ष सिभिल बैंक)मा २४ को वर्षको पोखरेलमा अनुभव रहेको छ ।
साथै नेपाल बाहिर विभिन्न अन्तराष्ट्रिय बैंकहरु (स्ट्याण्डर्ड चाटर्ड बैंक, अफगानिस्तानमा साढे ३ वर्ष, म्यानमारको यूनाईटेड अमारा बैंकमा १ वर्ष र म्यानमारको एजीडी बैंकमा १ वर्ष) मा ६ वर्ष समेत गरीे कुल तीन दशक लामो बैकिंग अनुभव रहेको छ ।
पोखरेलले पदभार सम्हाल्दै डिजिटलाईजेसनको माध्यमबाट कर्मचारीहरुको कार्य क्षमतामा अभिवृद्वि गर्दै लैजाने बताउनुभयो । उहाँले कागजरहित बैंकको रुपमा अग्रसर हुने र ग्राहकमैत्री विविध नवीन योजनाहरु ल्याउँदै बैंकले व्यवसायको आयतनमा व्यापक वृद्धि गरी सेयर होल्डरलाई उचित प्रतिफल प्रदान गर्ने बताउनुभयो ।
सोही अवसरमा नव नियूक्त प्रमुख कार्यकारी अधिकृत पोखरेलकोे विगत तीन दशकको देश तथा विदेशमा सँगालेको अनुभवले सिभिल बैंकलाई नयाँ उचाईमा पु¥याउने बैंकका अध्यक्ष इच्छा राजतामाङ्गले विश्वास व्यक्त गर्नुभयो ।
साथै बैंकले चालु आ.व.मा व्यवसायिक आकारमा राम्रो प्रगति रहेको तथा आगामी दिनहरुमा समेत निरन्तर प्रगति अगाडि बढनेमा विश्वस्त रहेको कुरा पनि जानकारी दिनुभयो ।
वि.सं.२०७८ असार १८ शुक्रवार १८:४१ मा प्रकाशित
