काठमाडौं । एनआइसी एसिया बैंकको ऋणपत्रमा आवेदन दिने आज अन्तिम दिन हो । आज (आइतबार) कार्यालय समयभित्र यसमा आवेदन दिइसक्नुपर्ने छ । बैंकले असार ६ देखि ३ अर्ब रुपैयाँको ऋणपत्र बिक्री खुला गरेको थियो ।
बैंकले ३० लाख कित्ता ‘एनआइसी ऋणपत्र २०८८’ निष्काशन गरेको थियो । उक्त ऋणपत्रका आवेदनकर्ताले प्रति कित्ता एक हजार रुपैयाँका दरले आवेदन दिन सक्नेछन् । निष्काशन गरेको कित्तामध्ये सर्वसाधारणले १२ लाख कित्तामा र बाँकी १८ लाख कित्ता बैंकले आफैले विभिन्न संघ संस्थालाई बिक्री गर्ने जनाएको छ ।
यसको बार्षिक ब्याज ८.५ प्रतिशत रहेको छ । न्यूनतम २५ देखि अधिकतम १५ लाख कित्तासम्म आवेदन दिन सकिन्छ । यसको बिक्री प्रवन्धकमा सनराइज क्यापिटल रहेको छ ।
वि.सं.२०७८ असार २० आइतवार १०:१२ मा प्रकाशित
