काठमाडौं । ग्लोबल आइएमई क्यापिटलले डिम्याट खाता संचालन शुल्क बुझाउनका लागि अनुरोध गरेको छ ।
एक सूचना निकाल्दै क्यापिटल र ग्लोबल आइएमई बैंकका शाखाहरु मार्फत डिम्याट खाता खालेका हितग्राहीहरुलाई शुल्क बुझाउन भनेको छ ।
हितग्राहीहरुले आर्थिक वर्ष २०७७/७८ सम्म डिम्याट खाता संचालन गरे वापत वार्षिक शुल्क स्वरुप १ सय रुपैयाँका दरले असार मसान्तभित्र बुझाउनका लागि अनुरोध गरेको हो ।
उक्त शुल्क आइएमई पे, इसेवा, कनेक्ट आईपीएस र ग्लोबल आइमएई बैंकको ई–बैंकिङ्ग मार्फत भुक्तानी गर्न सकिने क्यापिटलले जनाएको छ ।
तोकिएको समयावधि भित्र वार्षिक शुल्क भुक्तानी नगरेको अवस्थामा हितग्राहीहरुको डिम्याट खाता सिस्टमबाटै रोक्का हुने सूचनामा उल्लेख छ ।
साथै मेरो सेयर सेवा लिएका हितग्राहीहरुले उक्त सेवा संचालनमा आएको एक वर्षको अवधिभित्र नविकरण गरिसक्नुपर्ने र नविकरण नभएमा उक्त सेवा स्वतः बन्द हुने क्यापिटलले जनाएको छ ।
वि.सं.२०७८ असार २३ बुधवार ११:४४ मा प्रकाशित