काठमाडौं । बिहीवार सुनको मूल्य उकालो लागेको छ । नेपाली बजारमा आज छापावाला सुनको मूल्य तोलामा १ सय रुपैयाँले बढेको हो ।
नेपाल सुनचाँदी व्यवसायी महासंघका अनुसार अघिल्लो दिन तोलाको ९२ हजार २ सय रुपैयाँमा कारोबार भएको सुन आज भने बढेर ९२ हजार ३ सय रुपैयाँ पुगेको जनाएको छ ।
महासंघले आजका लागि तेजावी सुनको मूल्य ९१ हजार ८ सय रुपैयाँ तोकेको छ । अघिल्लो कारोबार दिन नेपाली बजारमा तेजावी सुनको भाउ ९१ हजार ७ सय रुपैयाँमा खरिदबिक्री भएको महासंघले जनाएको छ ।
यस्तै, आज चाँदीको मूल्यमा भने गिरावट आएको छ । उक्त दिन चाँदीको भाउ तोलामा १० रुपैयाँले घटेर १३ सय १० कायम भएको महासंघले जनाएको छ । बुधवार १३ सय २० रुपैयाँमा खरिदबिक्री भएको थियो ।
वि.सं.२०७८ असार २४ बिहीवार ११:०२ मा प्रकाशित
