काठमाडौं । विश्व बैंकले नेपाललाई १० करोड डलर (करिब १२ अर्ब रुपैयाँ) ऋण सहयोग उपलब्ध गराउने भएको छ । विश्व बैंकका अनुसार उक्त रकम नेपालको क्षिक्षा र स्वास्थ्य क्षेत्रमा खर्च गर्नुपर्ने छ ।
विश्व बैंकका अनुसार उक्त रकम विद्यालय शिक्षामा सुधारका लागि ६ करोड डलर र स्वास्थ्य क्षेत्रमा लागि ६ करोड डलर खर्च गर्नुपर्ने छ । शिक्षा क्षेत्रमा खर्च गर्ने रकम बढी छात्रवृत्तिका लागि रहेको छ भने स्वास्थ्य क्षेत्रको बजेट कोरोना महामारी नियन्त्रण र पूर्वाधार निर्माणमा खर्च गर्नुपर्ने छ ।
नेपाल, श्रीलंका र मालदिभ्सका लागि विश्व बैंकका राष्ट्रिय निर्देशक फारिस हदाद जर्भोसले गरिब र आर्थिक रुपमा कमजोर रहेका विद्यार्थी र स्वास्थ्य प्रणालीको सशक्तीकरणमार्फत् मानव पुँजी विकासमा योगदान पुग्ने बताउनुभयो ।
वि.सं.२०७८ असार २५ शुक्रवार १३:४६ मा प्रकाशित