काठमाडौं । साताको चौंथो कारोबार दिन विभिन्न कम्पनीहरुको सेयर मूल्य वृद्धि भएका छन् । बुधवार तीन कम्पनीको सेयर मूल्य उच्च दरमा वृद्धि भएको छ ।
उक्त दिन हिमालयन पावरको सेयर मूल्य ८.१० प्रतिशतले वृद्धि भएको छ । कम्पनीको सेयर मूल्य प्रतिकित्ता ३४ रुपैयाँले वृद्धि भई ४५४ पुगेको छ ।
यस्तै, नेपाल फाइनान्सको ७.७१ प्रतिशत अर्थात प्रतिकित्ता ४० रुपैयाँले वृद्धि भई ५५९ पुगेको छ । आज कालिका पावर कम्पनीको सेयर मूल्य ७.११ प्रतिशतले वृद्धि भएको हो ।
त्यसैगरि आज रसुवागढी हाइड्रोपावर, साञ्जेन जलविद्युत कम्पनी, ङादी ग्रुप पावर, मल्टीप्रपोज फाइनान्स, सिनर्जी पावर डेभलपमेन्ट, रैराङ हाइड्रोपावर कम्पनीको सेयर मूल्य ५ प्रतिशतभन्दा धेरैले वृद्धि भएको छ ।
यी कम्पनीसहित हिमाल दोलखा हाइड्रोपावर, रिदी हाइड्रोपावर, सिंगटी हाइड्रो, सेन्ट्रल फाइनान्स, युनिभर्सल पावर, युनाईटेड मोदी हाइड्रोपावर, माउनटेन हाइड्रो नेपाल लगातका लगानीकर्ताले कमाएका छन् ।
वि.सं.२०७८ असार ३० बुधवार १५:१५ मा प्रकाशित
