काठमाडौं । नयाँ सरकार बनेको दिन सेयर बजारमा दोहोरो अंकको सुधार देखिएपनि अर्थ मन्त्रीमा जनार्दश शर्माले पदभार ग्रहण गरेको भने बजारमा त्यती धेरै रौनक भने देखिएको छैन् ।
यो दिन बजारमा सामान्य सुधार देखिएको छ । कारोबार रकम भने सन्तोषजनक नै रहेको छ । राजनीतिक उतार चढावको असर पुँजी बजारमा पनि पर्ने गरेको छ । अहिले नयाँ सरकार बनेको छ । यो सरकारले पनि पुँजी बजारको विषयमा कस्तो नीति अबलम्बन गर्छ भन्नेमा पनि भर पर्ने जानकारहरुको भनाई छ । बजार मापन गर्ने सूचक १.०१ अंकले बढेर २८७२.०५ बिन्दुमा रोकिएको छ ।
२१४ कम्पनीको ४ करोड ४७ लाख ३६ हजार ५३० कित्ता सेयर ५ अर्ब ६५ करोड ४५ लाख ७६ हजार २०५ रुपैयाँमा किनबेच भएको छ ।
कारोबारमा अधिकांश समूहको उपसूचकमा गिरावट देखिएको छ । बैंकिङ समूहको उपसूचक ६.२२, विकास बैंक ११.०८, निर्जीबन बीमा ८२.०५, उत्पादन तथा प्रशोधन १५.१८, माइक्रोफाइनान्स १९.६७, जीवन बीमा समूहको उपसूचक ३२.६२ अंकले घटेको छ ।
कारोबारमा जलविद्युत समूहको उपसूचक ७४.९२, वित्त कम्पनीको ३५.८९, होटल तथा टुरिजम समूहको उपसूचक ७.७९ अंकले बढेको छ ।
कारोबार रकमको आधारमा गोर्खाज फाइनान्स अग्रस्थानमा रहेको छ । कम्पनीको २९ करोड ४७ लाख ६९ हजार २५० रुपैयाँको सेयर कारोबार भएको छ । दोस्रो र तेस्रो स्थानमा छिमेक लघुवित्त र हिमालयन डिस्ट्रिलरी रहेको छ ।
वि.सं.२०७८ असार ३० बुधवार १५:१९ मा प्रकाशित
