काठमाडौं । नवनियुक्त अर्थमन्त्री जनार्दन शर्माले पुँजी बजारको हितमा काम गर्ने बताउनु भएको छ ।
उहाँले आफू मन्त्रालयमा भर्खरै आएको र बजारका बारेमा सामान्य जानकारी भएपनि यस विषयमा के कस्ता समस्या छन् बुँदागत रुपमा ल्याउन र त्यस्ता समस्या समाधान गरेर अघि बढने बताउनु भएको हो । नवनियुक्त मन्त्री शर्माले उक्त कुरा बताएको नेपाल पूँजीबजार लगानीकर्ता संघकी अध्यक्ष राधा पोखरेलले बताउनुभयो ।
अध्यक्ष पोखरेलले मन्त्री शर्मालाई पुँजी बजारमा पछिल्लो समय देखिएका समस्या, लगानीकर्ताले भोग्नु परेको समस्याका बारेमा जानकारी गराएको बताउनु जानकारी गराएको बताउनुभयो ।
साथै उहाँले विगतदेखि लगानीकर्ताले भोग्ने गरेको समस्याको बारेमा जानकारी गराएको, आगामी आवको लागि मौद्रिक नीति आउँदै गरेको र त्यसले पनि पुँजी बजारलाई कुनै न कुनै रुपमा प्रभाव पार्ने जानकारी गराएको बताउनुभयो ।
अध्यक्ष पोखरेलका अनुसार जवाफमा मन्त्री शर्माले आफू सदैव पुँजी बजारमा हितमा काम गर्ने र लगानीकर्तालाई अहित हुने, बजारमा असर पर्ने कुनै काम नगर्ने तथा लगानीकर्ताले मन दुखाउने कुनै नीति अबलम्बन नगर्ने बताउनुभयो ।
वि.सं.२०७८ असार ३० बुधवार १५:५३ मा प्रकाशित